Kung sa Sahora itinatala ng kumpanya mo ang oras, sa phone ka magka-clock in at clock out, sa employee portal. Ipinapakita ng gabay na ito kung paano, para saan ang selfie at lokasyon, at ano ang nangyayari kapag walang signal.
Bago ka magsimula
- Mag-sign in muna sa portal (tingnan ang Pag-sign in sa portal).
- Gamitin ang browser ng phone mo: Chrome sa Android, Safari sa iPhone. Maraming kumpanya ang tumatanggap ng clock-in mula sa phone lang, hindi sa computer.
- Idagdag ang Sahora sa home screen mo para bumukas ito na parang app (tingnan ang Installing Sahora on your phone, sa Ingles).
Kung nakasulat sa page na "Itinatala ng kumpanya mo ang oras gamit ang sarili nitong device (biometrics)." o "Itinatala ng kumpanya mo ang oras mula sa timesheet o biometric device nito.", hindi ka magka-clock in sa Sahora. Gamitin ang time clock ng kumpanya mo, at humiling ng pagwawasto rito kung may maling oras.
Mag-clock in
- Buksan ang portal at i-tap ang Clock in / out.
- I-tap ang Mag-clock in.
- Kung magtanong ang phone mo, payagan ang camera at ang lokasyon mo.
- Kung humihingi ng larawan ang kumpanya mo, bubukas ang camera na may "Tumingin sa camera". I-tap ang Kunan at mag-clock bago maubos ang oras.
- Makikita mo ang "Naka-clock in ka na." at lalabas ang oras sa ilalim ng Ngayon.
Ang oras ng Sahora ang itinatala, hindi ang sa phone mo. Kinukuha lang ang lokasyon mo kapag pinindot mo ang button, hindi sa pagitan.
Break at pag-clock out
- Kung itinatala ng kumpanya mo ang break, makikita mo rin ang Simulan ang break at Tapusin ang break. I-tap ang mga ito sa simula at dulo ng break mo.
- Sa pagtatapos ng shift mo, i-tap ang Mag-clock out.
Ang una mong selfie clock-in
Bago ang una mong selfie clock-in, magpapakita ang Sahora ng paunawa kung bakit kinukuhanan ng larawan, gaano ito katagal itatago at sino ang makakakita nito. Basahin ito at i-tap ang Naiintindihan ko at sumasang-ayon ako para magpatuloy.
Kung walang signal
- Kung pinapayagan ng kumpanya mo, itatago sa phone mo ang punch kasama ang oras nito at ipapadala kapag online ka na. Huwag isara ang page, o buksan itong muli kapag may signal ka na. Makikita ng supervisor mo na ipinadala ito kalaunan.
- Kung hindi pinapayagan ng kumpanya mo, sasabihin ito ng Sahora. Mag-clock in kapag online ka na.
Kapag minarkahan ang punch para suriin
May mga punch na naitatala pero minamarkahan para tingnan ng supervisor mo o ng HR, halimbawa kapag walang lokasyon, malayo ka sa lugar ng trabaho mo, o bagong phone ang ginamit mo. Sinasabi ng mensahe kung bakit.
- Bagong phone: isang phone lang ang tinatanggap ng kumpanya mo para sa clock-in. Maghihintay ang punch mula sa bagong phone hanggang aprubahan ng HR ang phone.
- Hinihingan ng paliwanag: kung hilingin ng tagasuri na ipaliwanag mo ang isang punch, isulat ang paliwanag mo sa page na Clock in / out at i-tap ang Ipadala ang paliwanag.
Mga araw na dapat tingnan
Ipinapakita ng Mga araw na dapat tingnan (huling 30 araw) ang mga araw na walang clock-in o clock-out, walang punch sa break, o walang punch sa araw ng trabaho. I-tap ang Humiling ng pagwawasto sa tabi ng araw para ayusin ito. Tingnan ang Pag-aayos ng nakalimutan o maling punch.
Padadalhan ka rin ng Sahora ng abiso kinabukasan ng nakalimutang clock-in o clock-out, at ng paalala kung hindi pa ito naitatama.